Bátakostur

20130517_175356

Optimist

Optimist er góður kennslubátur fyrir krakka á aldrinum 8 til 15 ára. Haldin eru námskeið á sumrin þar sem kennd eru undirstöðuatriði siglinga auk þess sem báturinn er notaður við þjálfun og keppni allt til 15 ára aldurs. Félagið hefur yfir að ráða níu nýlegum bátum sem eru góðir í æfingar og keppnir .

20130515_182325

Topper Topaz

Topper Topaz er skemmtilegur tveggja manna bátur sem ætlaður er fyrir unglinga. Hann hefur stórsegl, fokku og spinaker og því getur hann verið mjög fjörugur, upplagt fyrir tvo félaga að sigla saman á þessum báti.  Hægt er að vera aðeins með stórsegl og bæta síðan við seglum eftir því sem maður lærir betur á bátinn.  Brokey á fimm báta af þessari tegund.

 

20130831_164809

Laser

Laser er mjög góður og útbreiddur keppnisbátur sem er m.a. notaður á Ólympíuleikum. Báturinn er notaður af eldri iðkendum félagsins auk þess sem hann er notaður við fullorðiskennslu. Laser er eins manns bátur.  Þá eru til auk venjulegra segla bæði Radial segl og 4,7 sem ætluð eru léttari siglurum.  Brokey á fimm Laser báta.

 

snipe

Snipe

Nýlega var gerður upp elsti bátur félagsins sem ber nafnið Forsetinn, en um er að ræða tveggja manna bát af gerðinni Snipe.

 

dsc05448

Secret 26

Brokey á einn Secret 26 feta kjölbáta sem notaðir eru bæði til kennslu og keppni. Hann ber nafnið Sigurvon.  Á sumrin eru haldin námskeið fyrir fullorðna á þessum bát og geta fimm nemendur verið ásamt kennara.

 

Zodiac

Félagið á einn harðbotna Zodiac slöngubát sem notaður er sem öryggis og þjálfarabátur.

 

Rigiflex 360

Félagið á einn nýjan plastbát sem hentar einstaklega vel sem þjálfarabátur.