Dagur 10 (lokadagur) – *?“#$%&/()=Q@
Benni mætti í morgun og þurfti næstum að vekja okkur. Við komum svo snemma inn í gær og bara lítið bilað þannig að við skruppum í bæinn. O la la frönsku stelpurnar alveg tre bien. …
… Vorum sem sagt soldið lengi að skoða bæinn, enda laugardagskvöld, það lokar samt allt klukkan tvö þannig að við komum sæmilega kristilega snemma heim. Skutluðumst niður í bát og leystum landfestar eins og fyrri daginn, vélin á og við náðum vel tímanlega í startið, allt í fína.
Fyrri keppnin fór fram í landgolunni sem var frekar veik og hvarf eiginlega alveg þegar stutt var eftir af keppninni. Keppnisstjórnin flautaði þrisvar og dró upp viðeigandi flögg, sem sagt keppni aflýst, óglid. Andsk. helv. djö. og við sem vorum í öðru sæti, sú keppni í vaskinn.
Seinni keppnin var tiltölulega dæmigerð og við náðum dæmigerðu sæti ofan við það tíunda, vitum ekki alveg nákvæmlega ennþá. Í þeirri keppni var allt á suðupunkti og Benni franski tapaði sér loksins, enda höfum við lagt hann í einelti allan tímann (hann er nefnilega hræðilega lélegur skipper). Það kom soldið tens tímabil þegar vindurin breyttist mikið og við útlistuðum okkar skoðanir á stefnu og segla stillingum. Það fór nú bara þannig að Benni tapaði sér og sagði: *?“#$%&/()=Q@, (tí hí hí þetta er nú meiri vitleysingurinn). Restin af keppninni gekk álíka illa og við lentum í einhverju sæti sem ekki tekur því að nefna. Eftir daginn, og kannski alla hina dagana, hefur Benni verið í þvílikri fýlu. En það er samt allt í fína. Hann nefnir það bara stanslaust að við mætum næst með okkar eigin skipper, „no problem“ er eina svarið sem hann fær við því. Lokatölur mótsins eru: 11 sæti. ca. 7 sæti ef benni hefði ekki sleppt því í gær að skila inn tilkynningu til keppnisstjórnar að við værum komnir í höfn, þrjú sæti niður fyrir svoleiðis bull. Æjá, og svarta flaggið, og allt hitt, já við ættum að vera ofar, allt of mikið um aulamistök hjá Benna franska. Eftir verðlaunaafhendingu fórum við á sjávarréttaveitingastaðinn; André, borðuðum okkur sadda þar. Akkúrat núna eru strákarnir í bænum en ég að pikka á leiðinni í netkaffið með fréttir fyrir ykkur. Komum heim á morgun, mánudag, sólbrunnir og sætir. „Sí jú í keppni á þriðjudag, þar sem við verðum í miklu meiri æfingu en allir hinir…
kv. Baldvin og hinir stúkustrákarnir.
ps. við höfum ekki lokaúrslitatölur en þær eiga að vera á internetinu.
