Íslandsmót kjölbáta hefst á fimmtudag
Nú styttist í íslandsmót kjölbáta sem haldið verður á sundunum við Reykjavík 15. 16. og 17. ágúst næstkomandi. Áhorfendur eru boðnir velkomnir í félagsheimili Brokeyjar á Ingólfsgarði að fylgjast með keppninni. Heitt verður á könnunni og úrslit munu berast í félagsheimilið að lokinni hverri umferð.
Keppnin hefst á fimmtudagskvöld og þá verður áhugavert að fylgjast með startinu kl 18:00. Á föstudag verður ræst kl 14:00 og laugardag kl 10:00. Keppnin fer væntanlega fram að mestu leyti innan eyja á Rauðarárvíkinni þannig að einnig gefst gott tækifæri að fylgjast með frá Sólfarinu eða Sæbraut/Skúlagötu.
Keppendur eru beðnir að skrá sig tímanlega.