Kynningarfundur um siglingaþjálfun
Siglingasamband Íslands stendur fyrir kynningarfundi um fræðslu og þjálfaramenntun. Fundurinn verður haldinn fimmtudaginn 15. desember klukkan 20 í sal E á 3 hæð Íþróttamiðstöðvarinnar í Laugardal.
Anna Ólöf Kristófersdóttir lauk í haust námskeiði á vegum Alþjóða siglingasambandsins og Alþjóða Ólympíusambandsins um uppbyggingu siglingastarfs og menntun þjálfara.
Hún mun á fundinum kynna niðurstöður námskeiðsins og hvernig við getum bætt fræðslu og þjálfunarstarf innan siglingafélaganna, hvaða skilyrði þarf að uppfylla til að hljóta alþjóðlega vottun á fræðslustarfi og fleira.
Fundurinn er opinn öllum stjórnarmönnum og þjálfurum siglingafélaganna sem áhuga hafa á þjálfunar- og fræðslustarfi svo og uppbyggingu siglingaíþróttarinnar á íslandi.