Seglskútunámskeið

Á hverju sumri stendur félagið fyrir námskeiðum á  seglskútur (kjölbáta) fyrir 18 ára og eldri. Fjölda námskeiða er í boði yfir sumartímann en félagið er með aðstöðu á Ingólfsgarði. Félagið á tvo seglbáta af gerðinni Secret 26 en þessir bátar taka 6 í áhöfn en við miðum við að vera með ekki fleirri en 4 þátttakendur á hverju námskeiði fyrir sig. Á námskeiðinu er farið yfir grundvallaratriði siglinga á stærri seglskútu og miðast við byrjendur og lengra komna. Þátttakendur læra undirstöðuatriði siglinga, að seglbúa og sigla spennandi seglskútu. Námskeiðið er tilvalið fyrir þá sem vilja fá reynslu í að sigla á seglskútu fyrir verklega þátt skemmtibátaskírteinis.

Skráning hér:  brokey.felog.is

Meðal atriða sem verður farið yfir eru:

  • Stjórnun segla með tilliti til vindstefnu.
  • Að stýra eftir vindi og áttavita.
  • Meðhöndlun reipa og helstu hnútar.
  • Helstu siglingareglur varðandi seglskip.
  • Öryggistækin um borð neyðarblys, kastlína, slökkvitæki og talstöð.
  • Að bregðast við ef maður fellur fyrir borð.

 

Námskeiðin eru um það bil 16 tímar að lengd. Þau eru ýmist dagnámskeið, kvöldnámskeið eða helgarnámskeið. Á dagnámskeiðum er kennt mánudaga, miðvikudaga, fimmtudaga og föstudaga frá 13:00 til 17:00; á kvöldnámskeiðum er kennt sömu daga frá 18:00 til 22:00 og á helgarnámskeiðum er kennt laugardag og sunnudag frá 10:00 til 18:00. Mæting er á Ingólfsgarð (bak við Hörpuna). Sjá kort hér.

Hringið í 895-1551 fyrir frekari upplýsingar.