Kænusiglingar (9 ára og eldri)

Í kænuhóp Brokeyjar æfir öflugur hópur ungmenna kænusiglingar allt sumarið undir handleiðslu þjálfara. Hægt er að prufa og mæta í einn til tvo daga frítt. Vinsamlega sendið okkur póst á skraning@brokey.is eða í síma 895 1551 og athugið hvort það sé laust pláss fyrir prufu.

Prufutími og byrjendamóttaka

Hægt er að fá ókeypis prufutíma. Hafið samband við okkur með því að senda tölvupóst á skraning@brokey.is.

Sérstök móttaka fyrir algjöra byrjendur í siglingum er skipulögð dagana 11. júní, 18. júní, 25. júní, 9. júlí og 16. júlí. Tilgangurinn er að byrjendur fái nánari leiðsögn fyrstu vikuna. Athugið að byrjendur greiða sama sumargjald og aðrir.

Skráningarform:

Við skráningu öðlast meðlimur rétt til æfinga og keppni á vegum Brokeyjar. Lágmarksaldur fyrir þátttöku er 9 ár. Allir iðkendur eru skráðir í Felix-kerfi ÍSÍ.

Æfingagjöld sumarönn (1.6.-31.8.) ………………………. 13.000 kr.
Félagsgjald börn ………………………………………………..   4.500 kr.
Bátaleiga Optimist ……………………………………………… 20.000 kr.
Bátaleiga Topaz (getur deilst á 2) …………………………. 30.000 kr.
Bátaleiga Laser …………………………………………………. 30.000 kr.

Dæmi 1: Æfingagjald + Félagsgjald + Bátaleiga Optimist = 37.500 kr. fyrir sumarið.

Dæmi 2: Barn sem á foreldri sem er skráð í félagið greiðir Æfingagjald + Bátaleiga Optimist = 33.000 fyrir sumarið.

Dæmi 3: Barn sem á foreldri sem er skráð í félagið og er með eigin Laser-kænu greiðir Æfingagjald = 13.000 fyrir sumarið.

Á eigin bát

Nota frístundakortið

Um æfingarnar

Á æfingum er lögð áhersla á að öllum þátttakendum líði vel og að dagskrá námskeiðsins sé fjölbreytt, þroskandi og skemmtileg. Mikil áhersla er á öryggi þátttakenda og starfsfólks. Siglingar í Nauthólsvík eru háðar duttlungum veðurguðanna og því getur dagskráin tekið breytingum. Við förum samt út á sjó hvernig sem viðrar. Mikilvægt er að mæta stundvíslega því ef hópurinn er komin út á sjó er ekki víst að hægt sé að snúa við til að ná í þann sem er of seinn. Farið yfir helstu atriði siglinga, öryggisatriði og almenna sjómennsku. Þessi námskeið henta bæði fyrir byrjendur og lengra komna. Kennsla er samkvæmt námskrá Siglingasambands Íslands og miðast við að nemendur geti siglt kænu einir og með öðrum undir eftirliti að námskeiði loknu. Kennt er á eins- og tveggja manna kænur.

Tímasetningar

Æfingar á sumarönn hefjast 1. júní og lýkur 31. ágúst.

Hópur B: kl. 12:00 til kl. 16:00, mánudaga til föstudaga
Hópur A: kl. 16:00 til kl. 19:00, mánudaga til föstudaga
Þjálfari skiptir niður í æfingarhópa eftir getu hvers og eins.

Nesti

Allir eiga að mæta með vatnsbrúsa og nesti.

Öryggisbúnaður

Allir þátttakendur á námskeiðum fá björgunarvesti við hæfi. Þjálfari á öryggisbát fylgir nemendum þegar farið er út á sjó.

Við mælum með eftirfarandi fatnaði:

  • Jakki gjarnan vind- og vatnsheldur (t.d. venjulegur regnjakki)
  • Buxur gjarnan vind- og vatnsheldur (t.d. venjulegar regnbuxur)
  • Peysa gjarnan þykk flís/ullarpeysa
  • Buxur sniðugt er að vera í flís eða nælon íþróttabuxum. Helst ekki gallabuxur
  • Skór eða sandalar, en ekki stígvél því ef þau fyllast af vatni geta þau sokkið og týnst í sjónum
  • Síðermabolur t.d. ull eða gerviefni, ekki bómull
  • Síðar nærbuxur t.d. ull
  • Stuttermabolur t.d. æfingabolur úr glansefni, ekki bómull
  • Sokkar t.d. ullar- eða göngusokkar úr gerfiefnis- ullarblöndu. Séu börnin í góðum sokkum verður þeim minna kalt ef þau blotna í fæturnar
  • Einnig: húfa, vettlingar, handklæði, aukaföt.
  • Poki/taska fyrir blaut föt.

Blautgalli er ekki nauðsynlegur en mjög hentugur. Hægt er að fá blautgalla, blautskó og hanska sem henta í kænusiglingar hjá Hafsport (hafsport.is) og GG Sjósport (ggsport.is). Notuð föt er oft hægt að finna á Facebook-hópnum „Notaður siglingabúnaður“ og bland.is.

Athugið!

Mjög mikilvægt er að merkja öll föt með nafni og síma eigenda sinna þar sem nokkuð hefur verið um að föt gleymist.