Sluppu með skrekkinn
Ef þessi mynd er skoðuð vel má sjá að það er girni á öxlinum. Við sem siglum reglulega um innsiglinguna í Reykjavík vitum hvaðan þetta kemur. Þrátt fyrir samþykktir og fögur orð aðila hjá höfninni hafa veiðar enn ekki verið bannaðar í innsiglingunni.
Í þetta skiptið sluppu eigendur Aríu með skrekkinn, tóku eftir olíubrákinni og gátu bætt olíu á gírinn. Það er ekki víst að það fari alltaf svona vel. Það hefur gerst áður að gírinn tæmist af olíu vegna girnisins í pakkdósini og eyðileggst. Vélarvana bátur getur auðveldlega lent í hættu þegar gírinn er ónýtur úti á sjó.
