Sumarmót – úrslit og myndir

/ júlí 28, 2010

Sumarmót Brokeyjar í kænusiglingum fór fram á laugardaginn í glaðasólskini og léttum byr. Keppt var í fjórum flokkum: Optimist A og B, Topper Topaz og opnum flokki. Baldvin Björgvinsson stjórnaði keppni frá dekkinu á stærstu skútu flotans sem tók sig vel út úti á miðri Nauthólsvík.

Áhorfendur og keppendur nutu veðurblíðunnar og veitinga úr nýju hellulögðu stúkunni við Brokeyjarhúsið. Þaðan var raunar hægt að fylgjast með tveimur íþróttamótum í einu: siglingakeppni úti á sjó og strandhandbolta í fjörunni. Brokeyjarforeldrar stóðu vaktina við grillið.

Smellið á ‘nánar’ til að skoða úrslitin og fleiri myndir

 

 Í Optimist A sigraði Sigurður Sean Sigurðsson, Nökkva, og Gunnar Úlfarsson, Nökkva, hafnaði í öðru sæti. Búi Fannar Ívarsson úr Brokey var í þriðja sæti. Þeir voru allir með sama stigafjölda og aðeins röð umferða sem greindi milli fyrsta og annars sætis. 

1 Batman Nökkvi Sigurður Sean Sigurðsson
2 16 Nökkvi Gunnar Úlfarsson
3 104 Brokey Búi Fannar Ívarsson
4 17 Nökkvi Oddur Viðar Malmquist
5 201 Ýmir Sigurjón Ágústsson

Í Optimist B sigraði Erlendur Snæbjörnsson, Brokey, og Hrefna Ásgeirsdóttir, Brokey, var í öðru sæti. Baldvin Jóhannesson úr Ými var í þriðja sæti. Þorbjörg Erna Mímisdóttir og Þorgeir Ólafsson, bæði úr Brokey, voru í fjórða og fimmta sæti.

1 105 Brokey Erlendur Snæbjörnsson
2 106 Brokey Hrefna Ásgeirsdóttir
3 202 Ýmiir Baldvin Jóhannesson
4 107 Brokey Þorbjörg Erna Mímisdóttir
5 103 Brokey Þorgeir Ólafsson

Hilmar Páll Hannesson úr Brokey einmennti á Topper í þetta skipti og sigraði í flokknum en þeir Eyþór Örn Ólafsson og Tristan Alex Jónsson úr Þyt urðu í öðru sæti. Í þriðja sæti voru þeir Gunnar Hlynur Úlfarsson og Gunnar Kristinn Óskarsson úr Brokey og síðan Ólafur Már Ólafsson og Þórunn Inga Ólafsdóttir, Björn Bjarnarson og Orri Leví Úlfarsson, öll úr Brokey.

1 303 Þytur Eyþór Örn Ólafsson   Tristan Alex Jónsson
2 100 Brokey Hilmar Páll Hannesson  
3 102 Brokey Gunnar Hlynur Úlfarsson Gunnar Kristinn Óskarsson
4 117 Brokey Ólafur Már Ólafsson Þórunn Inga Ólafsdóttir
5 101 Brokey Björn Bjarnason Orri Leví Úlfarsson
6 116 Þytur Þórir Pétur Pétursson Arnar Freyr Kristinsson

Í opna flokknum sigraði Gauti Elfar úr  Nökkva örugglega með fyrsta sæti í þremur af fjórum umferðum á Laser með standardsegli, en Þorlákur Sigurðsson úr Nökkva varð í öðru sæti á Laser með 4.7-segli. Sindri Þór Hannesson, Þyt, lenti í þriðja sæti á Evrópukænu. Eini keppandi Brokeyjar í þessum flokki, Kári Steinarsson, var í sjötta sæti á Laser með standardsegli.

Sæti Bátsgerð Seglanúmer Félag Stýrimaður PY
1 Laser 162638 Nökkvi Gauti Elfar Arnarsson 1078
2 Laser 4.7   Nökkvi Þorlákur Sigurðsson 1175
3 Europe   Þytur Sindri Þór Hannesson 1139
4 Laser 4.7   Nökkvi Lilja Gísladóttir 1175
5 Laser 4.7   Þytur Andrers Rafn Sigþórsson 1175
6 Laser   Brokey Kári Steinarsson 1078
7 Laser   Þytur Hermann Karl Björnsson 1078
8 Laser 4.7   Þytur Guðmundur Ísak Markússon 1175
9 Laser Radial   Ýmir Eyþór Aðalsteinsson 1101

Að vanda var efnilegasti keppandinn valinn úr hópi þeirra sem sýnt hafa þótt mestar framfarir. Í ár var það Þorbjörg Erna Mímisdóttir sem hlaut þessa viðurkenningu.

Í keppninni var tekið upp á þeirri nýjung að veita sérstaka viðurkenningu, „gullna stýrið“, fyrir gott starf í þágu kænusiglinga og var Úlfur Hróbjartsson sæmdur þeim heiðri þótt hann væri fjarverandi á þeirri stundu:

 Við þökkum Ásgeiri Eggertssyni kærlega fyrir myndirnar sem birtast með fréttinni. Fleiri myndir frá Ágústi Sigurjónssyni er að finna hér.

Share this Post