Þjóðhátíðarmót 2014

/ júní 14, 2014

Að venju heldur Brokey IMG_6781þjóðhátíðarmót. Í ár verður þó aðeins vikið frá venju með þeim hætti að mótið telst hluti af Reykjavíkurmótinu 2014 (þriðjudagskeppni). Veitt verða verðlaun fyrir efstu þrjú sætin en einnig verða talin stig sem gilda til úrslita í Reykjavíkurmótinu.

 

TILKYNNING UM KEPPNI OG SKRÁNING

1. Reglur

Keppt verður samkvæmt:

a) Kappsiglingareglum ISAF 2013 til 2017

b) Kappsiglingafyrirmælum SÍL

c) Kappsiglingafyrirmælum mótsins

2. Auglýsingar

Auglýsingar eru leyfðar samkvæmt flokki C í Alþjóðakappsiglingareglunum.

3. Þátttökuréttur

Mótið er hluti af Reykjavíkurmótinu 2014 (þriðjudagskeppni) og telur til punkta í því móti. Rétt til þátttöku hafa fullgildir félagar í siglingafélögum samkvæmt móta- og keppendareglum SÍL. Ath. að kjölbátum sem skráðir eru sem dagbátar er heimil þátttaka.

4. Skráning

Skráningar skulu berast til keppnisstjórnar fyrir kl. 21:00 16. júní með athugasemdum við viðkomandi frétt á brokey.is. Taka þarf fram nafn báts, nafn skipstjóra, fjölda áhafnarmeðlima, seglanúmer og félag sem keppt er fyrir.

5. Þátttökugjald

Ekkert þátttökugjald..

6. Tímaáætlun

Þriðjudagur 17. júní

  • Skipstjórafundur kl 12:30 (afhending gagna)
  • Start er kl 13:30 (sjá keppnisfyrirmæli)
  • Verðlaunaafhending kl 16:00

7. Mælingar

Keppt er samkvæmt NHC-forgjöf eins og hún reiknast eftir síðustu þriðjudagskeppni (10. júní 2014).

8. Kappsiglingafyrirmæli

Kappsiglingafyrirmæli verða afhent  þri. 17. júní kl. 12:30.

9. Keppnisbraut

Keppt verður á sundunum við Reykjavík. Keppnisbraut verður kynnt á skipstjórnarfundi. Sigld verður ein umferð.

Keppnisstjórn getur stytt braut meðan á keppni stendur. Tilkynning um slíkt fer fram í VHF-talstöð á rás 6.

10. Samskipti

Bátar skulu ekki hafa samskipti með farsíma eða talstöð sem ekki eru aðgengileg öllum meðan þeir keppa nema í neyðartilvikum. Keppnisstjórn notar rás 6 til samskipta.

11. Verðlaun

Veitt verða  verðlaun fyrir fyrstu þrjú sætin.

12. Ábyrgð

Allir sem taka þátt í mótinu gera það á eigin ábyrgð. Sjá reglu 4, ákvörðun um að keppa. Keppnisstjórn ásamt öllum þeim sem taka þátt í framkvæmd mótsins firra sig allri ábyrgð gagnvart tjóni sem kann að verða vegna þátttöku í mótinu.

13. Tryggingar

Hver bátur skal vera tryggður með gildri ábyrgðartryggingu sem nær til þess tjóns sem orðið getur.

14. Verðlaunaafhending

Verðlaun verða afhent kl. 16:00 í félagsheimili Brokeyjar á Ingólfsgarði.

15. Veitingar

Eftir verðlaunaafhendingu  verður boðið upp á vöfflur og kaffi í félagsheimili Brokeyjar.

16. Frekari upplýsingar

Frekari upplýsingar veitir Jón Pétur Friðriksson í síma 694 2314 eða með tölvupósti á jp.fridriksson@gmail.com

Brokey – Siglingafélag Reykjavíkur
Ingólfsgarði, 101 Reykjavík
Sími: 552 8272

Share this Post