Uppskera sumarsins

/ september 22, 2011

Nú er sumri tekur að halla finna töluglöggir reiknimeistarar Brokeyjar reiknistokkinn og draga saman árangur í gullið resúltat. Kyngimögnðu deildin sú er nú læst í musteri talna og rökrása. Þaðan mun upp reykur hvítur líða er niðurstaðan orðin er endanleg og óumdeild. Ólygnar fyrstu fregnir herma að uppskera áhafna í Þriðjudagskeppnum verði æðijöfn og ógjörningur að sjá hver af öðrum ber. Það er því nauðsynlegt og hverri áhöfn skylt að skrýðast fínu pússi og vera því viðbúin að komast í annála siglinga er úrslit verða gjörð heyrinkunn og skínandi bikar afhentur á uppskeruhátíð siglinga 15. dag októbermánaðar þann næsta. Nánar auglýst síðar.
Ýmsar áhafnir athygli hafa vakið og aðrar árangur sýnt. Má þar nefna Díu sem lætur ekki fetin fá aftra för. Á móti er hún Dís sem flest fet hefur á hvern farþega. Aukin heldur er staðföst áhöfn Ögrunar sú sem best er treystandi, ávalt siglir í 4. stað. Nýliðar sumarsins og þó engir nýgræðingar er áhöfnin á Sæstjörnu, velkomin á ný. Áhöfnin á Ásdísi hefur sýnt árangursbót mesta og Aquarius skilaði sér um síðir. Svo hafa Sigurborg og Stjarna sýnt sig sæla sumardaga, skólaskipið Sigurvon flesta flutt, þó aðallega Óla. Og Dögun … hverjir eru það?

Leave a Comment

Netfang þitt verður ekki birt.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>