Þriðjudagskeppnir á miðju sumri

/ júlí 2, 2009

Eftir langa umhugsun um hvernig best sé að skipta keppnisstjórn á milli báta yfir sumarið hefur keppnisstjóri komist að niðurstöðu.

Þegar sumarið er hálfnað, það er að segja þegar níu keppnir eru búnar, þá verður raðað aftur upp á nýtt.

Aðferðin er einföld; níu fyrstu bátunum er raðað í þeirri röð sem þeir eru þann 7. júlí.

Rökstuðningur:

1. Tilgangurinn er að halda aðeins í hálsmálið á þeim sem best gengur í þriðjudagskeppnaröðinni og gefa þannig byrjendum tækifæri til að standa sig.

2. Mjög erfitt er að hafa listann lengri því þeir sem aftar eru, hafa kannski komið í eina keppni og ekki er hægt að fá þá til að stjórna keppni.

3. Kerfið þarf að vera einfalt og auðskilið og þannig að menn muni það.