Þriðjudagur 2. september – úrslit og myndir
Það ætlar engan endi að taka þetta bestasta sumar á Íslandi. Það var sérdeilis ljúft veður fyrir notalega siglingu um sundin.
Það var áhöfnin á Ögrun sem bauð uppá óvenju einfalda braut sem flestir gátu lagt á minnið…
Tveimur bátum varð það á að þjófstarta. Aría var annar þeirra og sinnti ekki stöðvunarmerkjum heldur stakk af á ofsahraða. Þeir voru loks gómaðir við marklínu og voru umsvifalaust „diskaðir“. Gott ef þeir fengu ekki punkt í pungaprófið.
Annað bar það helst til tíðinda að áhöfnin á Dögun var úti að aka. Áhafnir hinna bátanna höfðu munstrað þrjú tálkvendi í áhöfn Dögunar. Áætlunin tókst. Þetta var meira en fáliðuð áhöfn Dögunar réð við, þeir voru bara tveir í þetta sinn. Áhöfnin á Díunni sigldi framhjá þeim rétt undir Viðey. Þá var áhöfnin önnum kafin við allt annað en að sigla. Þeir nenntu ekki einu sinni að taka upp belg fyrr en á beitileggnum eftir belglegginn. Stuttu síðar rakst Dögun á Sjöbaujuna. Áhöfnin mundi ekki hvort þeir áttu að taka baujuna á bakborð eða barborð. Áhöfnin skreiddist upp og tók refsihring áður en aftur var haldið á barborð. Sem betur fer gleymdu meyjarnar bíkiunum, annars væri Dögun núna strand einhvers staðar.
Bátur | Sigldur | Forgjöf | Leiðréttur | Röð |
Aquarius | 1:23:53 | 1.000 | 1:23:53 | 1 |
X-B | 1:21:15 | 1.055 | 1:25:43 | 2 |
Dís | 1:24:04 | 1.020 | 1:25:45 | 3 |
Lilja | 1:27:20 | 0.986 | 1:26:07 | 4 |
Dögun | 1:49:59 | 0.840 | 1:32:23 | 5 |
Día | 2:01:43 | 0.801 | 1:37:30 | 6 |
Ásdís | 2:11:20 | 0.840 | 1:50:19 | 7 |
Aría | 1:27:03 | 1.020 | 1:28:47 | DSQ |