Vonglaðir taka nú sumrinu mót
Hátt í þrjátíu stoltir félagsmenn misstu ekki af góðum aðalfundi sem haldinn var laugardaginn 25. janúar í félagsaðstöðunni á Ingólfsgarði. Eftir basl og barlóm undangenginna ára geta félagsmenn horft vonglaðir til framtíðar. Áki formaður þakkaði það sérstaklega ötulli vinnu fyrrverandi formanns, Kristjáns Sigurgeirssonar. Góður gangur er á öllum málum og margt spennandi í farvatninu.
Stjórnarmenn gáfu allir kost á sér til endurkjörs utan Jóns Ólafssonar gjaldkera. Við þökkum Jóni sérlega vel unnin störf. Nýr í stjórn var kjörinn Áki G. Karlsson. Við óskum stjórninni áframhaldandi góðs gengis og lofum að leggja hönd á plóg og styðja hana í hvívetna. Nú má sumarið koma.