Hugmyndir um framtíð gömlu hafnarinnar
Júlíus Vífill Ingvarsson hjá Faxaflóahöfnum hleypti um helgina formlega af stokkunum hugmyndasamkeppni um skipulag gömlu hafnarinnar í Reykjavík. Samkeppnin skiptist í tvennt: annars vegar skipulagshugmyndir fagaðila, arkitekta og skipulagsfræðinga, og hins vegar hugmyndir almennings sem skila má á ýmsu sniði. Skilafrestur er til 6. október næstkomandi.
Hægt er að nálgast upplýsingar um samkeppnina og önnur gögn á síðu Faxaflóahafna og Arkitektafélags Íslands.
Brokey hvetur að sjálfsögðu sína félagsmenn til að taka virkan þátt í samkeppninni enda mikilvægt að sjónarmið siglingaíþróttarinnar fái brautargengi í þeirri skipulagsvinnu sem framundan er.