Sorglegt sjóslys
{mosimage}Kalifornía. Myrkur. Rólegur vindur. Spegilslétt vatn. Skúta (væntanlega á lítilli ferð). Spíttbátur á mikilli ferð (40-55 mílur!!!). Spíttbáturinn kemur aftan að skútunni og dúndrar á hana. Hann flýgur bókstaflega yfir hana og lendir í vatninu fyrir framan skútuna. Skútan stórskemmist, mastrið af og fleira. En það alvarlegasta, kona um borð í skútunni lætur lífið.
Hver er ákærður? Skipstjóri spíttbátsins? Skipstjóri skútunnar? Nei, sá sem hélt um stýrið á skútunni hefur verið ákærður fyrir manndráp! Kannski, bara kannski hafði hann ekki kveikt siglingaljós. Það vildi til að skipstjóri spíttbátsins er lögga, mjög háttsett lögga!