Það er engin leið að hætta …
Það er engin leið að hætta að sigla svona. Þessi þriðjudagskvöld eru engu lík. Akrafjall og Skarðsheiðin og allt fjólublátt og hafið, það sagði ókei.
Jæja já, 6 bátar tóku þátt í dýrðlegri þriðjudagskeppni í fallegu veðri. Áhöfnin á Díu landaði sigri. Día er víst komin á sölu, verðið hefur rokið upp eftir sigra sumarsins. „Nýliðinn“ Sæstjarnan sýndi gamla takta og hirti annað sæti.
Á meðan veður leyfir og skútur eru á floti munu þriðjudagskeppnirnar halda áfram. Sjáumst næsta þriðjudag!
Í „nánar“ má sjá ljósmyndir og úrslit.
Svarti gullvagninn hans Magga Waage. Fyllan takk.
Einfaldleikinn var í hávegum hafður undir dyggri keppnisstjórn áhafnarinnar á Ásdísi.
Hei, hver er að þvælast fyrir stóru bátunum? Er það ekki hún Día?
Björn nokkur Jörundur sigldi nýklipptur og strokinn. Heyrst hefur að hann leiki sjóræningja á einhverjum fjölum um þessar mundir. Þarf hann nokkuð að leika það?
Hvað er hægt að segja um Ögrun? Þeim tekst alltaf að ná, eða lenda í 4. sæti. Það er jafn öruggt og að sólin komi upp á morgun.
Þetta er víst Skuggahverfið! Þetta „City-scape“ minnir meira á Vesturbakkann en Vegas.
Einbeitingin skín úr andlitinu á þessum … hann hefur ekki augun af kellingunum (tellteilunum).
… á meðan mátar þessi svona drelli fína áru.
Aquarius og Ögrun skiptust oft á að leiða flotann.
Axel þakkar almættinu fyrir hverja stund á sjó.