Hið árlega Þjóðhátíðarmót verður haldið 17. júní að venju. Ræst verður kl. 15. Keppnin gefur ekki stig til Íslandsbikars. Því fleiri báta, því skemmtilegra.

 

 

 

  

Haldið af Siglingafélagi Reykjavíkur, Brokey á sundunum við Reykjavík 

 

 

Keppt verður samkvæmt: 

    a) Kappsiglingareglum ISAF 2009 til 2012

    b) Kappsiglingafyrirmælum SÍL 

    c) Kappsiglingafyrirmælum mótsins. 

 

Auglýsingar eru leyfðar samkvæmt flokki C í Alþjóða kappsiglingareglunum. 

 

Rétt til þátttöku hafa fullgildir félagar í siglingafélögum samkvæmt móta- og keppendareglum SÍL. 

 

Þátttökugjald er kr. 500 á hvern áhafnarmeðlim. 

 

17. júní: 

    Afhending kappsiglingafyrirmæla  kl. 14:30. 

    Skipstjórnafundur kl. 14:30. 

    Viðvörunarmerki kl. 14:55 

 

Tímasetningar geta breyst og eru tilkynntar á skipstjórafundi, eða gegnum talstöð (rás 6 á VHF) ásamt merkjafánum. Keppni getur verið felld niður eða frestað til annars dags samkvæmt ákvörðun keppnisstjórnar. 

 

Keppt verður samkvæmt IRC forgjöf og skal framvísa gildu mælibréfi fyrir alla báta. 

 

Kappsiglingafyrirmæli verða afhent á skipstjórafundi. 

 

Keppt verður á sundunum við Reykjavík. Keppnisbrautir verða kynntar á skipstjórnarfundi. Stutt og skemmtileg braut innan við Engey. Fjölskylduvæn keppni.

Keppnisstjórn getur breytt braut, stytt, eða breytt stefnu að næsta merki. Slík tilkynning fer fram í VHF talstöð á rás 6. 

 

Skráningar skulu berast til keppnisstjórnar fyrir kl. 12:00 17. júní með athugasemdum við viðkomandi frétt á brokey.is eða með tölvupósti til brokey@brokey.is (sjá grein 14). Taka þarf fram nafn báts, nafn skipstjóra, fjölda áhafnarmeðlima, seglanúmer, forgjöf og félag sem keppt er fyrir. 

 

Keppnin veitir ekki stig til Íslandsbikars. 

 

Veitt verða verðlaun fyrir þrjú fyrstu sætin.  Einnig verða veitt vegleg útdráttarverðlaun.

 

Verðlaunaafhending fer fram í félagsheimili Brokeyjar á Ingólfsgarði strax og úrslit verða ljós að lokinni keppni. 

 

Allir sem taka þátt í mótinu gera það á eigin ábyrgð. Keppnisstjórn ásamt öllum þeim sem taka þátt í framkvæmd mótsins firra sig allri ábyrgð gagnvart tjóni sem kann að verða vegna þátttöku í mótinu. Hver bátur skal vera tryggður með gildri ábyrgðartryggingu sem nær til þess tjóns sem orðið getur. 

 

Frekari upplýsingar fást með fyrirspurn við viðkomandi frétt eða tölvupósti til brokey@brokey.is