Tjón um síðustu helgi
Það er ljóst að við sluppum ekki tjónlaust með báta og búnað þennan veturinn. Í Nauthólsvík var veðurhamurinn svo mikill að það eru sandöldur fyrir utan aðstöðuna okkar. Bílskúrshurðin gaf eftir og brot kom í hana miðja. Hleri inn í portið á bak við hús fauk upp og brotnaði ásamt því að rúður fuku úr og bátar í portinu færðust til.
Í Snarfara þá skemmdist ISIS töluvert eftir að hafa fallið á hliðina og við það fall virðist sem mastrið hafi farið utan í mastrið á DÍS sem brotnaði.
Í Gufunesi er ekki annað að sjá en menn hafa lært af reynslu síðustu ára því allir bátar eru vel strappaðir niður og allt í góðu lagi með alla báta.