Þríþraut á þriðjudegi
Áhöfnin á Lilju bauð upp á ekki eina, ekki tvær, heldur þrjár brautir á þriðjudegi, öllum vafið utanum Sólfar-Brokey-Engeyjarrif, þríhyrningar, pulsur og strik. Þetta voru því stuttar og skemmtilegar brautir þannig að það slitnaði ekki um of á milli báta. Sjö bátar tóku þátt og því var þröngt á stuttri startlínunni við Sólfarið. Íslenski Icepick-báturinn nýi tók þátt. Þeir eru greinilega að læra á bátinn og ekki gekk allt upp hjá þeim … frekar en áhöfninni á Dögun, þeim tókst að klúðra öllu því sem hægt er að klúðra í einni keppni, þjófstarta, sigla á bauju, geta ekki kúvent, setja belginn í sjóinn og svona mætti lengi telja … allt nema að sigla á annan bát. Þeir eru óttalegir klaufar blessaðir drengirnir á Dögun.
Myndir og úrslit fylgja hér
Bakvið þetta bláa er Icepick báturinn.
