Úrslit Ljósanæturkeppni
Æsivindur lotulangur löðri siglum hærra blés á laugardagsmorguninn og svo fór að aðeins tvær skútur, Xena og Aquarius, hættu á Faxaflóann um morguninn til að freista þess að ná í Sparisjóðsbikarinn glæsilega. Báðir bátar lögðu af stað á belgseglinu en tóku niður við sexbauju, enda var þá kominn sterkur hliðarvindur. Eftir það var brunað til Keflavíkur á fullri ferð með rifuð stórsegl.
Leikar fóru þannig að Xena sigraði, sigldi leiðina á aðeins 2:32:47 (sem er Íslandsmet í siglingu milli Reykjavíkur og Keflavíkur án forgjafar) og Aquarius rétt korteri síðar á 2:47:33. Úrslitin urðu því þessi:
| Bátur |
Forgjöf |
Sigldur |
Leiðréttur | R |
| Xena | 1.052 | 2:32:47 | 2:40:44 | 1 |
| Aquarius | 0.999 | 2:47:33 | 2:47:23 | 2 |
Fleiri myndir er hægt að skoða í myndasafninu.