Yfir Atlantshafið á fljótapramma
Bræðurnir Ralph Brown og Robert Brown eru nú komnir til Reykjavíkurhafnar eftir 48 daga ferð frá Tampa í Flórída á 21 feta löngum fljótapramma. Maður byggist eiginlega frekar við að rekast á svona bát á fenjasvæðum en úti á opnu hafi, en með ferðinni eru þeir að reyna að setja heimsmet í lengstu úthafssiglingu á fljótapramma og safna um leið fé fyrir særða landgönguliða.
Hér eru þeir félagar í Halifax áður en þeir lögðu í hann til Grænlands:
Frá Íslandi ætla þeir síðan að sigla til Færeyja og þaðan til Þýskalands. Hægt er að fylgjast með ferðum þeirra og skoða fleiri myndir á síðunni http://www.crosstheatlantic.com.